'ହାଏ ସିଷ୍ଟମ': ଫ୍ରି ୱାଇ ଫାଇରୁ ମୋବାଇଲ ଚାର୍ଜିଂ, ଆହୁରି ଅନେକ ସୁବିଧା-ETV BHARAT

An Article by- ଶତରୂପା ସାମନ୍ତରାୟ, ଇଟିଭି ଭାରତ
Full Article: "Click Here"



ଭୁବନେଶ୍ବର ରେଳଷ୍ଟେସନ୍‌ରେ ମୋବାଇଲ ଚାର୍ଜ, ଫ୍ରି ୱାଇ ଫାଇ, ଫୋନ କଲ, ମନୋରଞ୍ଜନ ଭିତ୍ତିକ ଗେମ, ଗୁଗୁଲ ମ୍ୟାପ, ମୋ ବସ୍‌ର ସୁବିଧା, କ୍ରିକେଟ ସ୍କୋର ବୋର୍ଡ ଭଳି ସମସ୍ତ ସୂଚନା ଓ ସୁବିଧା ଯୋଗାଇଦେଇଛନ୍ତି କିଛି ଉଦ୍ୟମୀ ଓ କୁଶଳୀ ଇଂଜିନିୟରିଂ ଛାତ୍ର । ଛାତ୍ରମାନେ ନେସ୍କାଇଟ୍‌ ଷ୍ଟାର୍ଟ-ଅପ୍ ବିକଶିତ କରିଛନ୍ତି, ଯାହାର ନାମ ହାଏ ସିଷ୍ଟମ' ରଖାଯାଇଛି । (ହ୍ୟୁମାନ ଇଣ୍ଟରଆକ୍ଟିଭ ଇଣ୍ଟରଫେୟାର ସିଷ୍ଟମ) ।
ଭୁବନେଶ୍ବର: ସ୍ମାର୍ଟସିଟିରେ ସ୍ମାର୍ଟ କିଓସ୍କ ଦେବ ସ୍ମାର୍ଟ ସୁବିଧା । ଲୋକମାନେ ଗୋଟିଏ ମେସିନରେ ବିଭିନ୍ନ ସେବାର ସୁବିଧା ଉପଭୋଗ କରିପାରିବେ । ଯେତିକି ସରଳ ସେତିକି ଆରାମଦାୟକ ଓ ସମ୍ପୂର୍ଣ୍ଣ ନିଃଶୁଳ୍କ । ଏଥିରେ ମୋବାଇଲ ଚାର୍ଜ, ଫ୍ରି ୱାଇ ଫାଇ, ଫୋନ କଲ, ମନୋରଞ୍ଜନ ଭିତ୍ତିକ ଗେମ, ଗୁଗୁଲ ମ୍ୟାପ, ମୋ ବସ୍‌ର ସୁବିଧା, କ୍ରିକେଟ ସ୍କୋର ବୋର୍ଡ ଭଳି ସମସ୍ତ ସୂଚନା ଓ ସୁବିଧାର ଲାଭ ଉଠାଇପାରିବେ । ଭୁବନେଶ୍ବର ରେଳ ଷ୍ଟେସନ୍‌ରେ ଏଭଳି ସୁବିଧା ଯୋଗାଇଦେଇଛନ୍ତି କିଛି ଉଦ୍ୟମୀ ଓ କୁଶଳୀ ଇଂଜିନିୟରିଂ ଛାତ୍ର ।


ଏହା ଛାତ୍ରମାନେ ନେସ୍କାଇଟ୍‌ ଷ୍ଟାର୍ଟ-ଅପ୍ ବିକଶିତ କରିଛନ୍ତି, ଯାହାର ନାମ ହାଏ ସିଷ୍ଟମ' (ହ୍ୟୁମାନ ଇଣ୍ଟରଆକ୍ଟିଭ ଇଣ୍ଟରଫେୟାର ସିଷ୍ଟମ) ରଖାଯାଇଛି ।
ଏହି ମେସିନ୍‌ରେ ସମସ୍ତ ଆପ୍‌ ଅତି ସହଜରେ ବ୍ୟବହାରଯୋଗ୍ୟ । ମୋବାଇଲ୍‌ ଅପରେଟ୍‌ ପରି ଏହାକୁ ଯେ କେହି ବି ସଞ୍ଚାଳିତ କରିପାରିବେ । ବିଦ୍ୟୁତ ନଥିବା ସମୟରେ ଚାର୍ଜ ପାଇଁ ହଇରାଣ ହେବେ ନାହିଁ, ମୋବାଇଲ ନଥିଲେ କଲ୍‌ କରିବାକୁ ଅସୁବିଧାରେ ବି ପଡିବେ ନାହିଁ । ସମସ୍ତ ଅତ୍ୟାଧୁନିକ ଜ୍ଞାନ କୌଶଳ ବ୍ୟବହାର କରି ସ୍ମାର୍ଟ ସିଟିବାସୀଙ୍କୁ ଏକ ମାଗଣା ଉପହାର ଦେଉଛନ୍ତି ପାଞ୍ଚ ଜଣ ଇଂଜିନିୟରିଂ ଛାତ୍ର । ମୋବାଇଲ କଲିଂଠାରୁ ଆରମ୍ଭ କରି ଗେମ୍‌ ଖେଳିବା ସବୁ କିଛି ମାଗଣାରେ ଉପଭୋଗ କରିପାରିବେ |
କିଛି ବ୍ୟବହାରକାରୀଙ୍କ ମତରେ 'ଫନି' ବାତ୍ୟା ସମୟରେ ଏହାଦ୍ବାରା ସେମାନେ ମାଗଣାରେ ମୋବାଇଲ ଚାର୍ଜ କରି ଉପକୃତ ହୋଇଛନ୍ତି ।
ଏବେ ରାଜଧାନୀରେ ଗୋଟିଏ ସ୍ଥାନରେ ଏହି ସିଷ୍ଟମ୍‌ କାର୍ଯ୍ୟକ୍ଷମ ରହିଛି । ଆଗକୁ ସାରା ଓଡ଼ିଶା ରେଳଷ୍ଟେସନ, ବସଷ୍ଟାଣ୍ଡ, ହସ୍ପିଟାଲ ଭଳି ପବ୍ଲିକ ଜାଗାରେ ଏହି ସିଷ୍ଟମ ଲଗାଇବା ପାଇଁ ଲକ୍ଷ୍ୟ ରଖିଛନ୍ତି ଏହି ପାଞ୍ଚ ଛାତ୍ର ।


Pages